Muhamet Rrumbullaku do të jetë drejtori i ri i të Policisë së Shtetit, njoftoi të mërkurën Ministri i Brendshëm, Bledi Cuçi.
Ky vendim vjen pas shkarkimit të Gledis Nanos, për të cilin u deklarua se nuk ka përmbushur objektivat e vendosura për luftimin e krimit, ndërsa figura të ndryshme të jetës publike e cilësuan këtë vendim si politik.
“Rrumbullaku mban gradën e drejtuesit të parë në piramidën e policisë së shtetit dhe plotëson të gjitha kushtet për të qenë drejtori i përgjothshëm i policisë së shtetit”, tha Çuçi.
Kush është Muhamet Rrumbullaku?
Ai është diplomuar “Specialist i Lartë Policie” në vitin 1988 pranë Akademisë së Policisë, në Fakuletin e Drejtësisë Tiranë dhe ka marrë titullin Jurist në vitin 2010.
Rrumullaku ka ndjekur disa trajnime, çertifikuar në Shqipëri, Shtetet e Bashkuara të Amerikës dhe Hungari.
Nga viti 2019 deri më 2022 ka mbajtur postin e Drejtorit të Përgjithshëm të Shërbimit për Çështjet e Brendshme dhe Ankesat në Ministrinë e Brendshme.
Prej 24 marsit të këtij viti, ai mbante postin e Drejtorit të Mbikëqyrjes Policore, të cilin e dorëzoi disa ditë më parë dhe aktualisht mbahet nga Ardi Veliu.
